كنّ يومٍ فيه عايدتني كان الوحيد
اللي العيد بصباحه عرفت أنه وكاد
يالوحيد اللي بعيدٍ ولا كنك بعيد
وكل قربٍ غير قربك لبس معنى البعاد
ما أنت بس لفرحة العيد بك معنى جديد
أنت حتى العيد يلبس لك ثيابٍ جداد
(علي المفضي)
خليه يحتاج لك خليه يفتقدك
لاتلحقينه ولا تدشين فاخلاقه
بالحاحك الدايم الرجال ينتقدك
خليه يشتاق.. ليه انتي المشتاقه?
عطرك هدوئك جمالك ملبسك عقدك!
غيبتك هذي هي اللي تفجر اشواقه
ممكن يحبك ولكن صعب يعتقدك
خصوصا ان العقيده مصدر الطاقه
اعفيه من لهفتك واعفيه من حقدك
حبك وصده هم الدافع لاحراقه!
(عبدالله بن علوش)
