ما يحس القلب في جرحك
في وسط قلبي سفينه وفي سما حُبك سدَم
تشتهي بحرك وتجري عكس شهوتها الرياح
كن هذا الصبح بالعتمه بليّاك إنردَم
يا صباح الخير من غيرك بلا خير الصباح !
أثر ثلج فراقنا يلسَع وشوقك ما خِدَم
توّي أفهم شنهو تعني لسعة الثلج لفلاح
لا تحارب ما أبيك تعض إبهامك نِدَم
جيت لك قصدي إنت فاهم..شوف ما أحمل سلاح!
الزعل غلطة حبايب قلب من قلب إنصِدَم
والرضى ساكت وعزة نفس تتثاقل سماح!
(احمد الصانع)
