أنا سعوديه وما أجي بالتهاليل
والقاع تفخر يوم تحضن وطاتي
أنا الشموخ ومارضيت البهاذيل
كسرت خشم الوقت من قو ذاتي
ماني من اللي تقبل القال والقيل
شفني سنافية وأنا آحلى خواتي
(غير معروف)
البارحه يوم الاوادم خواشيع
في نومها وانا على الكوع واعي
همٍّ يمزع سترة القلب تمزيع
تقول ينهش ثومة القلب افاعي
خذت القلم من بين روس الاصابيع
وحبيت اميز سيرتي وانطباعي
عزَّلت من صدقان عطلة الاسابيع
وعزَّلت من ضحك الوجيه الصناعي
(سعد بن جدلان)
