الكلمة اللي تضايقنا نعديها
وان جاتنا من سفيه العقل طنشنا
مادام نقدر نمشيها ... نمشيها
من خوف نبلش مع الجاهل ويبلشنا
لو كل عوجاء تجينا نلتفت فيها
ماكان نمشي مع العالم ولاعشنا
(سعيد الحمالي)
أنـا ودي أعايدك واشوف مالك ود
واخاف أتصل وتصد وتفرّح الشامت !
ياغالي إذا دقـيت ولا نويت ترد
بسيطه: لا زاد الدق حطه على الصامت
تبي الجِد خايف لا اتهـور معك من جد
هذي العين لا لدّت .. وذي النفس لاشامت!
(علي بن حمري)
