الكلمة اللي تضايقنا نعديها
وان جاتنا من سفيه العقل طنشنا
مادام نقدر نمشيها ... نمشيها
من خوف نبلش مع الجاهل ويبلشنا
لو كل عوجاء تجينا نلتفت فيها
ماكان نمشي مع العالم ولاعشنا
(سعيد الحمالي)
لك صديق ماتبين لك خفاه
هو يبي لك فود ولا تفوده
اصبر وبتشوف طيبه من رداه
اما بيض وجه والا سوده
لا جهلت الرجل!! ناظر في صحباه
كان منهم زود فأنت تزوده
الادمي يخلق على الفطره واباه
يستطيع ينصره ويهوده
(عبدالله بن علوش)
