كل ليل دون صوتك ينقضى قهر وظلام
مثل طفل ضاع بين الملا يصرخ كسير
كل لحظه فى غيابك ترسل لقلبى سهام
وكل جرح فى وجودك يصبح بعينى يسير
من يموت بحبك لاحشى ماله ملام
تاج راس البشر من يلبسه يصبح امير
(غير معروف)
من اللي يسلفني شعور السعاده
وأهديه عشر سنين من عمري الجاي
لولا التشبث بالأمل والإرآده
لقيتني مجنون رسمي وبكاي
أحس أن بكره مجرد إعاده
لليوم واللي قبله وهذي دنياي
الألوآن واجد بس كل شي ساده
العيب في الألوان وإلا فرؤياي
أنا حزين إن الحزن صار عاده
ياليتني مخطي وأعرف وش خطاياي
أهديت للدنيا قصيد وسعاده
لكنها ما رجعت لي هداياي
(سعد علوش)
