حبيبتي تزعل إذا قلت أبا روح
تزعل تقول شلون بتغيب عني؟
يرضيك أبقى في غيابك مع النوح
والله غيابك صابني وأمتحني
قلت الغياب اللي يمسيك بجروح
أنا يبكيني ورمحه طعني
والصبر في فرقى المحبين ممدوح
وترى الغياب المر ماهوب مني
(أحمد الخالدي)
إذا بيوت العنكبوت اللي كتبته حاستك
بلملم شتاتك ولملمني إلى عيد الفطر
والورده اللي شوف عيني في خدودك باستك
مالومها يوم الندى من حر مافيها قطـر
ياليتني عصيرك اللي ينسكب من كاستك
اذوب من بين الشفايف واقلب الدنيا مطر
لاتلومني وانا كثير اسعى علـى وناستك
ودي بشيٍ مايخلينا على نفس السطر!
(صالح السهلي)
