أبيات القصيد | مشاركات بواسطة: أسير

مشاركات بواسطة أسير

صمتك الواقف

صمتك الواقف ورى زحمة حنين
ليتنا نستدرجه صوب الزحام
ناويّ انصب له فهالزحمة كمين
واختلي به واستثيره بالملام
وان تمادى طالبك لا تستهين
فزّ له واغتال روحه بالكلام
(ياسر حسن الجنيد)

استعرض

انطق حبيبي

انطق حبيبي كل شي منْك مقبول
لا تسمح لصمتك يرافق حضورك
ما همني لو قلتلي شي مقيول
أعرف أنا وشلون اميّز شعورك
(ياسر حسن الجنيد)

استعرض

وفا كل الجفا

وفا كل الجفا واللي دفعني أحتويك غياب
وفا أجفاك يا خلّي لجل تشتاق لحضوري
(ياسر حسن الجنيد)

استعرض

يا هوى

يا هوى
للأسف ما لك خوي
إرجع لماضيك واقرا في حكاوي العاشقين
واكتشف كم عاشق(ن) عـيّا يعيشك مرتين
راح تلاقيهم كثير
شاعر وعبد وأمير
ولا تظن اني الأخير
مدام طبعك فوضوي
(ياسر حسن الجنيد)

استعرض

خذني رضا..

جيتك معَ صحوة زماني أماني
خذني رضا ما بين حلم وحقيقة
(ياسر حسن الجنيد)

استعرض

الأمل كذاب

قبل لا أعرف الأسباب
قفلت الباب فغيابك
لقيت ان الأمل كذاب
وعدني بس ما جابك
(ياسر حسن الجنيد)

استعرض

يكفي بعضك

يكْفي بعَضْك ان كان ما جيت كلك
عن كلك حضورك فبعْضك يوفّـي
وان كان بعْضك يالغضي ما فزعلك
صدقني إحساسـك بحبي يكفّي
(ياسر حسن الجنيد)

استعرض

كيف اصبّر عيوني

ودي احطك في خفوقي واخبيك
بس المصيبة كيف اصبّر عيوني
(ياسر حسن الجنيد)

استعرض

وجه الغياب..

حبيبتي مثل القمر في نهاري
وما كنها الا الشمس في تالي الليل
يصبح فوجه الغياب انكساري
وتسهر مع اشباح الجفا هدّة الحيل
(ياسر حسن الجنيد)

استعرض