أكذب عليك ان قلتلك ما عرف شي
أعرف ولكن وش تفيد الإجابة
ما فيه حيٍ ما مضى له زمن غي
ولا فيه غصاً كود هب الهوى به
أمضيت من عمر الشقى شي وشوي
يوم اتعنى به وعشر ابتلى به
حبٍ يموت وحب يبقى معي حي
وحبٍ يمر القلب مر السحابة
(عبدالرزاق الهذيل)
يامحلا جمعة اخوانك حواليك
وعيال عمك واقصراك وخوالك
ورفيقك اللي مايخيب هقاويك
اللي لامنك تضايقت .. جا لك
جمعة مثل ذولا حواليك تغنيك
والله مايغنيك عنهم حلالك
والله مايقهر ويكسر معاديك
إلا لا شاف عيال عمك ظلالك
لا جارت الدنيا وطحت بدهاليك
يا غير اخوك اخوك م فز شالك
اسمع كلامي زين وافتح اذانيك
واشبك يمينك في اصابع شمالك
لا صرت مع ربعك كذا مثل أياديك
يا طيب حظك صدق ويا طيب فالك
(حسين بن ذروه)
