البارحه وبدون موعد شخص مجهول اتصل
ليته يكررها لو آسدد عنه فاتورته
هذا وهو صوته.. بغى عقلي يطير وينهبل
وشلون اجل لو كان جوالي يطلّع صورته
(محمد بن فايز القرني)
لا تحتزم باللي ضلوعه هشيشة
اللي ليا سمع النداء صد تطنيش
لا تحتزم به لو تحيزم بخيشة
ما يقطع الدِيان ركض الأكاديش
وبيتٍ بليا ساس مثل العريشة
يطيح لو لمع ببويه و ورنيش
وجرد السهال الخاليات الوحيشة
اللي تطوى في شجرها الحنافيش
أخير من ضله..وبعض المعيشة
يعافها الطيب..ويفرح بها الديش
(عبدالله بن زويبن الحربي)
