يقولون العرب صدر الشمالي مايضيق بساع
وانا اقول الصدور اليوم ماعادت شماليه
بدت في داخلي ضيقه عجزت القى لها مطلاع
تغيب وترجع وترجع تغيب ومالها نيه
عمتني كلمة جتني وضقت وضاق صدر القاع
الا يالله لاتجزى غشيم قالها فيه
(خلف المشعان)
ماكل مايطرى على البال ينقال
بعض الحكي مايستحق المقوله
احرص بقولن له تعابير وامثال
كل من سمع هرجك يلتف حوله
ترا البشر تعطيك الوان واشكال
واحذر على عقلك لحدن يطوله
كم واحد ولى زمانه وغدى عال
عال على نفسه وعلى من يعوله
وكم واحد اثبت وجوده وغدى فال
فال على ربعه وعلى من حكوله
(فهد عبدالله الماضي)
