حبٍ يشيّب وصاحبه ما بَعَدْ شاب
وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب
وحبٍ يدوم وصاحبه في غيابه
وحب يذوّب خافقٍ ما بعد ذاب
وحبٍ يداوي صاحبه من عذابه
وحبٍ بلا معنى وحبٍ بلا اسباب
يبدا غريب وينتهي في غرابه
(غير معروف)
ياما على نفسي بالأحلام كذبت
ويا ما صبرت وصبرنا مانفعنا
وياما .. وياما من وداعه تعذبت
وياما نحاول نفترق ما استطعنا
كم مرةٍ ودّع وكم مرةٍ غبت
وكم مرة عقب الوداع إجتمعنا
لا قادره أنساه مهما تهربت
ولا معترف في حبنا مجتمعنا
(عابرة سبيل)
