قرب جهاز القلب للصدر لحظات
تطلع وتنزل نبضته بأمنياتك
يطلع معك تقرير تخطيط نبضات
نبضات قلبي ماتبي غير ذاتك
دقات قلبي بالصدر عشر دقات
خمس تبيك وخمس تفدا حياتك
(غير معروف)
ماكان عندي شي أغلى من الروح
ولا كنت أحب أحدً كثر حب روحي!
كنت أحسب إن الروح مابعدها روح
ولافيه روحن حبها مثل روحي!
وعرفت إن الروح ترخص لأجل روح
روحً غلاها زاد عن حب روحي!
(غير معروف)
تمر الايام والموعد هو الموعد
وتموت الايام والموعد هو الموعد
اقسى المشاعر شعور القرب للقربى
وتحس من داخلك ان انت مستبعد
عيون الاشرار تبحث والخطا يبحث
عن زله الغيم لو يبرق ولو يرعد
تظللوا به وشربو عذبه وقالو
الغيم ساحر ولكن البياض اجعد!
(سعد علوش)
