أبيات القصيد | مشاركات بواسطة: الكربي

مشاركات بواسطة الكربي

أنا نسيتك..

لا تنتظر رجعتي اليوم او بكرا
أنا نسيتك وابيك اليوم تنساني
دام الوصل بيننا إجحاف وحسرا
الله وكيلك وشف لك واحد ثاني
ياما شريتك غلا والا انت ماتشرا
كله لجل ما تعيش العمر وحداني
وياما سريتك ولكن ماوراك مسرا
ليلك عتيم! ودربك ياالحزن فاني
واللحين خلك مع الخيل ياشقرا
وانا بروح لمن هوُ بالغلا اشقاني
(فهد الماضي)

استعرض

بيت مختار

حشا لولا عشر خصك بها ربي عن الباقين
ابد ماكان من شافك تطيح الناس من عينه
دلع لين وشقار وخف دم و مخملية عين
خجل ملح وجمال وصدق هنا للي تحبينه
ظلمتي من يجي بعدك يجون وكنهم مقفين!
قهرتي من يجي قبلك لو انه شمس تخفينه
يغاير كوكب الأرض السما الدنيا متى تمشين
يقول انه حظيظ اللي تواضعتي تدوسينه!
ولو الله زوج الشمس القمر ثم انجبوا نجمين
حشا ما جابوا اللي يشبهك نوره و لا زينه!
(عبدالمحسن بن سعيد)

زيزفون

المزيد