ماني مقصر وان تخاذلت قلي
والله لا احطك بعيوني واغطيك
من ذاق مر الحب لازم يحلي
مرمرتني في عيشتي وين حاليك؟
خل العناد اللي براسك يولي
اخاف لاتصغر بعيني واخليك
(مطيع العوني)
يا صاحبي على العطا من جبرني
اقدر على التطنيش و اخسرك واغيب
لاشك اصلي بالرجوله امرني
ما همني من ياخذ المدح ويجيب
بروح ون ضاق الزمن افتكرني
لا شان وجهك ولفحتك اللواهيب
بتقول هذا بالوجيه اختصرني
وجهٍ كفاني شر ناسٍ من العيب
(سعود الشبرمي)
لا قلت ضاايق جد أنا ضايق
محدن يبدل وسع خاطر بضيقه
فايق أنا ومرات ماني بفايق
ضايع مع الأحزان ونفسي غريقه
ضايق وكني مع هل الود رايق
همن سكني تعجز أنت تطيقه
من كبر همي كن هالهم سايق
يمشي على كيفه ولا أقدر أعيقه
(خالدعايدالعنزي)
