أبيات القصيد | مشاركات بواسطة: الوعيليه هاديه

مشاركات بواسطة الوعيليه هاديه

حلم الطفوله

على حلم الطفوله غافي(ن) ماعاد ودي اقوم
ولو نمت العمر كلّه احس ان توّني غافي
(حمد بن سعد المسرع)

يا قاسيه

قدري لي جيتي يوم جيتك من بعيد
جابني شوقن يهز الجبال الراسيه
وقتها ماهمني ويش يمكن استفيد ؟
مادريت ان المحبه كذا يا قاسيه
(حمد بن سعد المسرع)

استعرض

بنت الرجال العارفه

بنت الحسب بنت النسب بنت الرجال العارفه
اللي لها بالصدر مجلس مايطوله غيرها
لوغبت عنها ثم سيلت دموعها لي ذارفه
ياكبر منزلها بقلبي كثر الله خيرها
امي نعم امي قضت كل العمر لي واقفه
ويوم انها كدت علي ترجي العشا من طيرها
(حمد بن سعد المسرع)

استعرض

رح معاد ابغاك

منت اول من يجي ومنت بآخر من يروح
ماحسبت حساب صدك ولا فكرت فيه
بان تقصيرك وشفتك معي منت بنصوح
والفراق المنتضر في عيونك تحتريه
رح معاد ابغاك لوك على الرده لحوح
مابقالي في حياتي معك شي ارتجيه
(حمد بن سعد المسرع)

استعرض

ليل حرماني

تطاردني هواجيسي ليامني بغيت ارتاح
واحس بضيقة الخاطر ويبدا ليل حرماني
وارد الباب من دوني واصك القفل بالمفتاح
وتوافد صوبي الاحزان والافراح تنساني
واشب شموع حزني يومها تغني عن المصباح
وترافقني همومي كنها واحد من اخواني
(حمد بن سعد المسرع)

استعرض

مابيك تستغرب

يانور عيني ظمني بين اياديك
واسعد عيونن شوفتك هي دواها
مابيك تستغرب ولا تقول وشفيك ؟
لك وحشتن قلب العنا ماقواها
(حمد بن سعد المسرع)

استعرض