مشاركات بواسطة امجد الدبيسي

يوم مريت

مثل الشعور اللي يمر المحبين
مريتني يامترف الجيد واخطيت
منعت قلبي بس وش حيلة العين
ماعاد نلحق رمشها يوم مريت
(امجد الدبيسي)

الصمت..

يامن تقول الصمت درب الضعافه
ماتدري إن احيان تنطق يدينا
صحيح نسكت لاصبح الحكي آفه
لكن نصير الآفه إليا حكينا
(امجد الدبيسي)

ماهي على كيفك

ياكاسي القلب لبس الحب من عينك
ويامجرّد الروح من شوفك ومن طيفك
صحيح روّحت وكآن الامر بيدينك
لكن ترى رجعتك ماهي على كيفك
(امجد الدبيسي)

الله يلعنك يا ابليس

ياقلب ويش اللي تسويـه فيني
بيّنت مآتخفيه ذيك الاحآسيس
مآعآد بآقي سر بينك وبيني
وما اقول غير الله يلعنك يا ابليس
(امجد الدبيسي)

شبة النار

البارحه وانا على شبة النار
كني تحريتك وكني لقيتك
صورتك بالدخان ومن بين الافكار
حتى ادمعت عيني وغصبن بكيتك
(امجد الدبيسي)

في سكوتك

لا تتكلم في سكوتك.. اسمع اللي تكتمه!
وفي كلامك افهم اللي في سكوتك تستحيه
(بدر محمد الوحيشي)