أبيات القصيد | مشاركات بواسطة: امجد الدبيسي

مشاركات بواسطة امجد الدبيسي

مثل الشعور اللي يمر المحبين
مريتني يامترف الجيد واخطيت
منعت قلبي بس وش حيلة العين
ماعاد نلحق رمشها يوم مريت
(امجد الدبيسي)

يامن تقول الصمت درب الضعافه
ماتدري إن احيان تنطق يدينا
صحيح نسكت لاصبح الحكي آفه
لكن نصير الآفه إليا حكينا
(امجد الدبيسي)

ياكاسي القلب لبس الحب من عينك
ويامجرّد الروح من شوفك ومن طيفك
صحيح روّحت وكآن الامر بيدينك
لكن ترى رجعتك ماهي على كيفك
(امجد الدبيسي)

ياقلب ويش اللي تسويـه فيني
بيّنت مآتخفيه ذيك الاحآسيس
مآعآد بآقي سر بينك وبيني
وما اقول غير الله يلعنك يا ابليس
(امجد الدبيسي)

البارحه وانا على شبة النار
كني تحريتك وكني لقيتك
صورتك بالدخان ومن بين الافكار
حتى ادمعت عيني وغصبن بكيتك
(امجد الدبيسي)

لا تتكلم في سكوتك.. اسمع اللي تكتمه!
وفي كلامك افهم اللي في سكوتك تستحيه
(بدر محمد الوحيشي)