اخذي جروحك يابنت الناس واللي صار صار
والبقيه في حياة الحب والروح الشقيه
والفراق اعطيه من عندك وسام الانتصار
والحزن فيني يابنت العز وافته المنيه
(غير معروف)
ان زرتني مشتاق لي ياهلا فيك
وان غبت مرخص شوفتي بالسلامه
مادمت تحمل لي الموده ف انا اغليك
ويعطيك قلبي كل صادق غرامه
وان صد قلبك واصبح البعد طاريك
قل لي ولا يلحقك مني ملامه
لاطالبك ترجع ,, ولاقايل ابيك
على المقفي كيف احس بندامه؟
(سعود بن بندر)
