صمتي .. ذخيرة وأسلحة
وأنا متعلق في السنين
مثل الصبر لما يتعلق
في خيوط المسبحة
اللي كتبته في حياتي
صار.. لازم امسحه
ولازم أعيش الهم
حتى أشرحه
(فائق عبدالجليل)
غلاها كان تحويشة عمر بشعور فوق شعور
الين اكتظت الاشواق والهاني تكاثرها
ربت ما هي تحت ريشة نعام وفي بلاط قصور
ولكن لا ترف له قيمة إلا تحت أوامرها
(ناصر القحطاني)
لا تتركيني .. في سجون الذكريات
يا قدر يتبعني في كل الدروب
يا تواقيع الاقامة في الهروب
يا سنيني اللي خذتها الشمس
في رحلة غروب
كانت عيونك وطن
كانت شعوب
كانت عيونك مدارس
علمتني الحب
في عز الحروب ..
(فايق عبد الجليل)
ياللي غيابك موت ما صادف قبور
واختار يبقى فسدرة العمر حطاب
يا اول حبيبة عمر جتني من النور
صبت عروق الشمس في صبحي أغراب
أعمى ، واشوف آمالنا دم مهدور
وبقّيت لك في ظلعي عيون و ثياب
(جمال الشقصي)
نسيان جرحك صار بالقلب واجب
كل ميت اكرامه من الشرع دفنه
بدفن غلاك وبرضي وجدان شاجب
منهو بغلاتك عاش مبتل جفنه
كم قلت ما تعلى على العين حاجب
من عافنا تقصير يا شين عفنا
(مهران العدوان)
