لا قلت ضاايق جد أنا ضايق
محدن يبدل وسع خاطر بضيقه
فايق أنا ومرات ماني بفايق
ضايع مع الأحزان ونفسي غريقه
ضايق وكني مع هل الود رايق
همن سكني تعجز أنت تطيقه
من كبر همي كن هالهم سايق
يمشي على كيفه ولا أقدر أعيقه
(خالدعايدالعنزي)
تعبت أنزف جراحي حبر وأدور للألم أسباب
لجل أكتب شعر يحكي بعض أصغـر معاناتي
قفلت من الأسى بابي وسجنت الكون خلف الباب
وعصتني دمعةٍ فيهـا سؤال لكل اجاباتي
ملل أخبار حسّادي أحد صادق وأحد كذاب
وأحد ما طال تجريحي وأحـد عايش لزلاتي
(عبد الرحمن بن مساعد)
