الله خلق لي نفس تسمو عن البوح
ماهيب اذا ضاقت من الهم باحت
على كثر ما شفت ضيقات وجروح
لا الوجه متغـيّر ولا العين صاحت
أبشرك .. بـشارة الروح للروح
تبي تطـيّحني الليالي و طاحت
(فزاع)
مات الجمر وقلوب الأحباب حيه
والموت لا ماتت قلوب الحبايب
يا شيشتي لو فيك ذنب وخطيه
معاك أحس إني عن الناس غايب
العام كانوا لي من الأصحاب ميه
وقت الرخا لكن جفوا بالنوايب
لا هنت يا قلب شكى من خويه
كم راس من طعنات الأصحاب شايب
(حمد السعيد)
