الله خلق لي نفس تسمو عن البوح
ماهيب اذا ضاقت من الهم باحت
على كثر ما شفت ضيقات وجروح
لا الوجه متغـيّر ولا العين صاحت
أبشرك .. بـشارة الروح للروح
تبي تطـيّحني الليالي و طاحت
(فزاع)
إن جا ينادمني وضيع ٍ من الناس
صديت عنه، وقلت: منت بنديمي !
ماهو بكبر ٍ وكل ناس ٍ لها أجناس
وعندي عزيز النفس دايم حشيمي
للكبر والله ما توشحت بلباس
بكتب التواضع ناجح ٍ بتعليمي
أنادم اللي رفقته ترفع الراس
وياقف معي دايم بوجه الخصيمي
إن كَبرت القاله والارياق يباس
يضيم عدوانه ولا يستضيمي !
(محمد أحمد السديري)
