أبيات القصيد | مشاركات بواسطة: سارآ

مشاركات بواسطة سارآ

الصبح ويّا صوتك إنتي غير
مع بحّتك، وإحساسك الحالم
بـ المختصر منّك صباح الخير
أحلى صباح الخير بـ العالم
(فهد العيباني)

انا والاحساس الكئيب وجرحك
متناقضين وما بنا اللي يشكي
احيان لا منّا بكينا نضحك
واحيان لا منّا ضحكنا نبكي
(سامي العرفج)

تجيك من بعض القرايب لك أحزان
وتجيك من بعض الأجانيب راحه
اوزن كلامك قبل تحكي بميزان
ما كل كلمه تمتلكها مباحه
(ثامر شبيب)

من تجربة عمري عرفت وتعلمت
ان الردي مهما نفعته يضرك
(ثامر شبيب)

احيان اقول ان الوطن ماله ذنوب
واستغفر الله كل ما شفت نفسي
الظاهر اني من كثر مابه اذوب
احيان انسى اني مهمش ومنسي
(سامي العرفج)