أبيات القصيد | مشاركات بواسطة: سلامة

مشاركات بواسطة سلامة

يا هاي هاي

ياهاي هاي ياكشخة الاكابر ياتُب التٌب
يالراحة.. يالاستجمام.. يالمستوى الراقي
معي حِر شوق وقو خرمة ولهفة حُب
عالج وحدةٍ منها واسامحك في الباقي
(سعد بن جدلان)

استعرض

طلسم حكيم

وبرقه على كبد السما لا فلجها
طلسم حكيمٍ كاتبٍ ذروة علاج
(سعد بن جدلان)

استعرض

الصداقة ..

والجفى من بين الاصحاب عيب من العيوب
والصداقة من بنا بيتها ما يهدمه
واعرف الكذبة لا جت من فم الكذوب
لا قعد يرفع لسانه ويرخي برطمه
ومزحة الطَيب ما تجرح متينين الجنوب
عَقِّب اللي مزحةٍ من رفيقه تِفحمه
(سلطان الهاجري)

استعرض

الباقي بعمري ..

‏لا تاخذين الأيسر بصدري
‏خليه ما دامه رجع لي بخير
‏الباقي بعمري هو لعمري
‏ماودي أعيشه لعُمر الغير
(سلمان بن خالد)

استعرض

ساقني حبك

ساقني حبك على الموت وسنيني هزال
والظروف اقسى من الظلم للعرض النزيه
وانتي تسوقين عقلي على حد الهبال
تحسبين ان من بغى شي ..يقدر يشتريه !
والاّ انا يا وجد حالي وجود ٍ ما يقال
وجد من ضحّى بغاليه لْرضا والديه
ويا وجودي بأول العمر قبل البس عقال !
وجد من باع اخر العمر في رغبة ذويه !
(ضيدان بن قضعان)

استعرض

اخيه ..

أخيه من حبٍ يجي فيه ذلة
يحط من قدر المحب و وقاره
من لا يرى في عشرتي مكسبٍ له
فـ انا ما اشوف ان في فراقه خسارة
(علي بن حمري)

استعرض

شيبتين

في عارضي لاحظت بادي شيبتين
واكيد ماهن جالسات بلا خوات
استعجلن قدام سن الاربعين
موقرات وزاجرات ومنذرات
والشيب سنة من عصور الأولين
لازم يصير ان كان ما صار الممات
الصادرين يودعون الواردين
والواردات اكيد بكرة الصادرات
يارب توزعني طريق الشاكرين
المؤمنين اللي على دين وثبات
(عكاش الذيابي)

استعرض

لا تشتكي وقتك

لو عشت عمر شعيب وانت بمهونة
ضايع .. وما تقضي من العمر ضايع
والعز .. يوم يغامر الرجل دونه
واعمار غيرك مثل عمرك .. ودايع
واليا لقيت أهل الدهر يشتكونه
لا تشتكي وقتك على كل صايع
(خلف بن هذال)

استعرض

الرعاع ..

ما يوقّف للرعاع .. الا الرعاع
الخصم ياخذ من اخصامه سِمه
و الهجوم .. افضل وسيله للدفاع
بس .. ما كل الهجوم بـ نهجمه
ما نواجه مَن على وجهه قناع
الضعيف يسدّ عن فعله : فِمه
والله إن البغض في طبع الشجاع
اجمل مْن الود .. في طبع رخمه
(فيصل العطاوي)

استعرض

عطش الأرواح

جاءني بالماء أروي ظمأي
صاحب لي من صحابي الأوفياء
يا صديقي جنّب الماء فمي
عطش الأرواح لا يروى بماء
(إيليا ابو ماضي)

استعرض

بيت مختار

تؤمّلُ أنك يوماً تتوبْ !
وتشكو الذنوبَ..وأنتَ الذنوبْ!
وفي كل يومٍ تبوء بذنبٍ
وعيبٍ يُضاف لباقي العيوبْ
تؤمّل أنك تحيا طويلا ً
وشمسك مالت وحان الغروبْ !
أتهجرُ دربَ الهدى والصلاحِ
وترحل في مُهلكات الدروب ؟!
فسِرْ للكتاب بدرب الصِّحاب
وذقْ بالمتاب رحيقَ الطيوبْ
(عبد المعطي الدالاتي)

خالدة الذبياني

المزيد