أبيات القصيد | مشاركات بواسطة: سلطان الغرام

مشاركات بواسطة سلطان الغرام

الله واكبر

الله واكبر أثر الأيام دواره
وشلون الأحباب ماتسأل عن حبايبها
ماهي طبايعك تنسى الخل واخباره
هذي الطبايع جديده من وين جايبها؟
ترى القطاعه..اثم..والوصل كفاره
كفر عن ذنوبك اللي كنت مذنبها !
(غير معروف)

استعرض

بيت مختار

ياحمود شب النار والرزق مضمون
بيدين ربٍ عالم الكون محصيه
ودن الدلال واترك الهم مركون
والا اجدعه بالنار تاكل بواقيه
وفل الحجاج وازهم الناس يلفون
شوف الرياجيل يقتل الهم يرديه
الضيف لامنه لفى كنه مزون
يحيي هشيم القلب ويطرد بلاويه
اليا لفاني عز واليا سرى عون
سبحان منهو في عيوني محليه
واليا جلس في مجلسي قلت ممنون
مسناده الخافق وعيوني مراكيه
(يزيد بن عبدالله الماضي)

سنام

المزيد