ليه تجرحني وانا كلي جروح
ماكفاك اللي حصل في حياتي
ارفق تراني ناشف الحلق مبحوح
من كثر ما اشرح لك وصية وفاتي
لو الزمن به خير ما كنت مفضوح
لكن عذاب القلب مدد شتاتي
(فهد عبدالله الماضي)
يا تاركتني للظما في رجا ماك
بالله ماعمر العطش يوم بلّلك ؟
أصعب من احساسي بفرقاك .. فرقاك
ياصعبها .. لامن جلست اتخيّلك
وقفت في نصف الطريق اتحراك
لانتي رجعتي لي ولا انا مشيت الك
كنك زرعتي داخل عيوني اشواك
وشلون اغمّض جاوبي قبل ما اسألك!
(زايد الرويس)
