خير وش باقي تزيد القلب هم
منك شاف القلب تجريح الهموم
ومن رداة الحظ زاد الهم غم
وإن شكيت أشكي على من لي ظلوم
كم بكيتك شرهة والدمع دم
تفطر أشواقٍ على ظلمك تصوم
(خالد عبدالرحمن)
أبشرك ماعاد يوجعني فراق
وأقسى وجع فيني يزول بثواني
عودت قلبي إذا حمل هم أو ضاق
أرمي وما أسأل عن اللي رماني
عودت نفسي للمتاهات ما أنساق
ولا يسيل دمع عيني وأعاني
خل الحياة أتروح والعمر أرزاق
لابد يوم يضحك لي زماني
(غير معروف)
اخر حركات التدلع والغنا
اللي اسمها مها وفالدلع مهاو
فرفورةٍ تسلف الشمس السنا
مغويه ويطرد وراها كل غاو
ان وقفت كـل شـي متباعـد دنا
وكل شي متلخبط مع الوقفه تساو
واليامشـت قال النمل الله لنا
جمال مايستوعـب ولاينتقاو
مخلوق لامنه انثنى يعني انثنى
كل الزوايا تستقيم اليا تزاو
مثال لا جاعت وطال بها العنا
كل الحلاو اللي على هـالارض جاو
هـي جايعه يارب تاكلني انا
هذي سواليف الحلاو مع الحلاو
واليا كلت اطرف حلاوه من هنا
كل الحلا يشوفهـا و يقول وااو
(سعد علوش)
