أبيات القصيد | مشاركات بواسطة: شهرزاد

مشاركات بواسطة شهرزاد

‏يا نفس مايرخص معاليك عوفيه
‏لو كان مردوده غناة ومسرة
‏ثوبٍ يعرّي .. ما سترك بمخابيه
‏وجوعٍ يعز النفس .. لله دره
‏(محمد العفيصان)

وجهت وجهي لك واغنيتني فيك
ورفعتني يوم انحنيت بسجودي
يارب ثبتني على اشياء ترضيك
واغفرلي الزلات .. واقبل ردودي
(محمد العفيصان)

صاحبي وان ضاقت الدنيا عليه
بسطت له من فرحة ايامي مدآ
العمر وما تملك يديني في يديه
حتى لو ضاعت سنيني مو سدآ
(محمد العفيصان)

اخاف الليل لا طوّل
شعور الفقد يربكنّي
اخاف الويل يتسوّل
وانا اعطي وتعرفنّي
تعال ارجع مثل اوّل
وقبل كل شي تحضنّي
(محمد الظفيري)

حنا حمام السِلم و العدل و النور
وحنا رعود الحرب نخطف بصرهم
ياما ضربنا روس ونحور وصدور
وتأبى مضاربنا تجي من ظهرهم
(محمد الظفيري)

ياصرخة احساسي وخنقة دموعي
اذا الصدف جابت مكاني مكانه
من داخلي احساس يعلن خضوعي
وفي ظاهري رجال حافظ كيانه
(محمد الظفيري)

تعبت في زرعي ابي اجني التوت
واللي جنيته للأسف كان حنضل !
ليه نتفارق والمفارق هو الموت !
لا والله ان الموت أرحم وأفضل !
(محمد الظفيري)

كلمة أحبك تحيي الحسّ لا مات
نسمة هوى .. أتهب قلبي وتهبك
لو كان من باب العدل والمساوات
لا قلت: أحبك قولي وآنا أحبك !
(محمد الظفيري)

راحل وماشي البعد عرضه وطوله
من طبعي أكره كل كاذب ودجال
ضربت لك أسمآ معاني الرجوله
بس انت رافض انك تصير رجال
(محمد الظفيري)

مكتفي بك عن بعيد وعن قريب
تارسه عيوني وقلبي , واكتفو
وان بغيت ابدل بغيرك حبيب !
محد كفو محد كفو محد كفو !
(محمد الظفيري)