صليت شفعي ولا سجيت عن وتري
ومن الوله فاضت انفاسي على ثيابي
قلت اكتب الحب واقطع حيرتي واسري
لين آصل الصبح واشرف على غيابي
حبيبتي مابعدك احباب في صدري
واللي قبل لاعرفك خليهم احبابي
(نايف صقر)
لا يالوسيم..الأنيق..الناعم الكشخة
لاعاد تشره..وللشرهات شراهي
خذها نصيحة..اذا شفت الزحام..إنخه
خل الخلا للذيابه وانت عش لاهي
وخذ لك من الأصل طبق الأصل كم نسخه
كلن غدى هالزمان الآمر الناهي
والخطّ لو تختلف رقعته عن نسخه
تبقى المعاني معاني..هي مثل ماهي
(محمد الدحيمي)
