استوعب الوضع واعرف قد مقدارك
بعض الخطايا منك تراني ما تحملها
ياحلو بسمتك لا من زانت اخبارك
ويا حلو عينك لو انك ما تكحلها
بعض السوالف بها لا تشغل افكارك
فرقاك لو قلتها ماني بصاملها
(العازمي)
اليوم ذكرى وداعك وش بتهديني؟
اليوم عيد الفراق وحفل نسياني
اليوم أنا باشتعل شمعه وطفيني
اليوم ابهديك حظاً ما تمناني
كل عام وانتي بعيده ما ذكرتيني
وكل عام وانا السهر بيتي وعنواني
يا غايبه معك يكفي ضاعت سنيني
هو باقي عمراً يضيع لواحداً ثاني؟!
(محمد الوسمي)
