شف فرحة الأمه تزفك من مطار اليا مطار
مرحباً عدالجيوش اللي تدق طبولها
كم مدت يمينك عطا كم قام في عهدك عمار
لك يابو متعب بصمةٍ تفرق على من حولها
نذرٍ علي إن جادت أقداري وصافحتك وصار
لا حب راسك واليدين اللي كثير فعولها
(وليد المري)
حبٍ يشيّب وصاحبه ما بَعَدْ شاب
وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب
وحبٍ يدوم وصاحبه في غيابه
وحب يذوّب خافقٍ ما بعد ذاب
وحبٍ يداوي صاحبه من عذابه
وحبٍ بلا معنى وحبٍ بلا اسباب
يبدا غريب وينتهي في غرابه
(غير معروف)
