أبيات القصيد | مشاركات بواسطة: عنود

مشاركات بواسطة عنود

الارض فكت للشروق الازارير
والنور طل وذاب وجه الاهله
وطارت من اغصان الحنين العصافير
واصبحت احبك واصبح الملك لله
(سامي العرفج)

عمرك اللي ما طلع لك فيه شيّ
ويش تفرق روحته من جيّته
كنت ميّت بالحياة وصرت حيّ
والحياة أحيان تصبح ميّته
(سامي العرفج)

إذا السما سدّت عليك المنافذ
تقدر تسوّي لك سما من ترابك
إفتح خيالك مثل فتح النوافذ
طُلّ وتشوف الغيم واقف بْبابك
(محمد علي السعيد)

احبابنا قفّى بهم موت وفراق
واخواننا نادى قدرهم وراحوا
واصحابنا اللي كنهم مثل الأوراق
هزّتهم ايام الشدايد وطاحوا
(سامي العرفج)

يارب عفوك راحت اعمارنا ذنوب
يارب من كثر المعاصي تعبنا
نستغفرك اليا اصبح الصبح ونتوب
وإن جاء المساء ما كننا الصبح تبنا
(سامي العرفج)