خذاه اللي على خده علامة
سوادةَ غيم في شمسٍ مطلَّة
سرقني مادريت إنَّه سرقنـي
سلبني و أحسب إنَّي فاطنٍ له
أنا يوم أرسل عيونه لقلبي
عطيته مُهجتي والمعطـي الله
نصف زين الخلايق في عيونه
وباقي الزين في باقيه كلّه
(خالد الفيصل)
تبنى المراجل يا حمد لو قلت هذا ما اكبره!
داخل عيونه يا حمد بنتٍ قوي باسها
وهدم المراجل يا حمد لو قلت هذا ما اصغره!
داخل عيونه يا حمد بنتٍ و هدت ساسها
الأرض تشربنا جسد والحلم برا المقبره
الأرض جينا بلبسها باكر نرد لباسها
(سالم سيّار)
