تعبان مني ولا أنا منك تعبان
ولا التعب منا تعب أو تعبنا
ولا الزمن طبعه كذا ضد خلان
ولا خطانا هالزمن مايحبنا
كافي تعب كافي زعل يكفي أحزان
ياوقت تونا صغار والله شبنا
(أحمد العتيبي)
دمعه من الإيمان في يوم جمعه
تطيح من عيني على أوراق قرءان
خشوع مؤمن لحظة إجماع دمعه
إن اللذي يدمع في هالوقت إنسان
ماطفت الدنيا بمحانيه شمعه
إشتعلت بصدق النوايا والإيمان
(أحمد العتيبي)
حسناك يا منشي حقوق الخيال ِ
يا خالق اجناس ٍ و يا مفني اجناس
متى تربع دارنا والمفالي
وتخضر فياض ٍ عقب ما هي بيباس
و نشوف فيها الديدحان متوالي
مثل الرعاف بخصر مدقوق الالعاس
ينثر على البيدا سواة الزوالي
ويشرق حماره شرقة الصبغ بالكاس
(محمد الاحمد السديري)
