انا بعت الذهب لجلك وجيت اهواك بالفضه
وش ابغى فيه دام انه عجز عني يعبّرلك
بكارة صوتك الساحر تعبت انتظرك تفضه
دخيلك همسك الشادي يبرد من تصبرلك
اماني سمعي حروفك تمر شفاهك الغضه
هذا هو من ثلاث سنين بانصاته تسبرلك
(احمد بن سارح)
صباح الخير يا أجمل صباحاتي على الاطلاق
جميل الصبح لكنه غـدا مـع ضحكتك أجمل
يشاركني غلا وجـه يكسـر نومته ما فاق
على نورٍ لثم خـدك لثم حتى بغيت أثمل
صباح القهوة المرة وبقايا من سهرك أوراق
صباح أحلى السمر بالكون وخل اللي زعل يزعل
صباح الخوخ يا خوخة صباح مراهـق الدراق
صباح القرمز الغافي رعيته وأن تماريت اجهل
(سليمان المانع)
