قالوا أهلى وشفيك ماترقد الليل
ترى السهر ماله عواقب حميدة
كانك مريض روح واعمل تحاليل
يشرح لك الدكتور وصفة مفيدة
قلت انشدو! راع الرموش المظاليل
اليوم صار الحل والربط بيده
(غير معروف)
أفهمك لو ما تكلمت أفهمك
ما بقلبك في عيونك يرتسم
ما تزيل الشك ضحكة مبسمك
يفضحك وجدان أشجان وندم
ألمح بعينك شكوك تألمك
لا تصدقها ترا هذا وهـم
انت في قلبي ألا ما أعظمك
أنت في عقلي وروحي والنسم
(سالم سيف الخالدي)
