كيف اعتذر من نظر عيني ومحبوبي
وانا حبيبه ومجنونه و ولهانه
لو كان مني خطا والله لاتوبي
عن كل مايجرحه ويجدد احزانه
وان كان خوفي عليه اكبر من عيوبي
زود الغلا مايقلل شان خلانه
(فيصل بن خالد بن سلطان)
شفتك على ميل الزمن واعتداله
شفتك على درب الفرح والتعاليل
شفتك وفا .. كل الوفا ما وفى له
فذ لبيب يفتقد مثلك الجيل
إنته على صفحة جبيني رساله
أوضح من القمر على وجنة الليل
وأبلغ وأجزل من حروف الجزاله
وأرق من ورد الغصون المهاديل
عنوانها حب تعذر مناله
بين الزمان وبين زيف الأقاويل
(سالم سيف الخالدي)
