أبيات القصيد | مشاركات بواسطة: لينه

مشاركات بواسطة لينه

الشوق لا صار واجد

ليته يجيك من الهوى ما يجيني
وليتك تعرف الشوق لا صار واجد
وليتك تعرف أوجاع كثر الحنينِ
ما قد شكيت الحر والجو بارد
(خالد الفيصل)

استعرض

الجود

تجود النفوس اللي من الأصل فيها جود
ويقدِم على الجزلات من يعشق الجزلة
عساني ما ألد العين للي رداه يزود
ولا اسوق رجلي يم أبو نيةٍ هزلة
(علي بن عياد)

استعرض

غيمة وهتان

كم لك تمرّ أرضي بغيمة وهتَّان
ولا سقيت أرضٍ تحرّت سحابـك !
وأنا لو إني في مكان السحب كان
فلَّيت مجدَّول المطر في ترابك
(غير معروف)

استعرض

المطر .. لمّة أحباب

الجو غيم .. وخابرك تعشق الغيم
دايم تقول إن المطر .. لمّة أحباب
بدلت بغيابك جميع المفاهيم
صار المطر يبكي على لحظة غياب
ياصاح من عقبك تجرعت انا الضيم
والليل غير الهم والضيق ما جاب
يا ابعد الاقراب شوف المطر ديم
الجو طايب .. لكن الفكر ما طاب
(نايف الرشيدي)

استعرض

شعوبٌ و أُمَمْ

ياربّ!، هبّتْ شعوبٌ من منيّتها
واستيقظتْ أممٌ من رقدةِ العدمِ
سعدٌ، ونحسٌ، ومُلكٌ أنت مالِكهُ
تُديلُ مِن نِعَمٍ فيه، ومِن نِقَمِ
رأى قضاؤكَ فيما رأيَ حكمِته
أَكرِمْ بوجهكِ من قاضٍ ومنتقمِ
فالطُفْ لأجل رسولِ العالمينَ بنا
ولا تزدْ قومَه خسفًا، ولا تُسمِ
(أحمد شوقي)

استعرض

صعبٍ عليَّه وانا ابيه

قلت البكا.. صعبٍ عليٌه وانا أبيه
لا واهني اللي بكا وما تندم
لي عبرةٍ يلعب بها الحزن والتيه
ولي صرخةٍ وأتعبت أبا القى لها فم
احساس لا أبيعه ولا نيب شاريه
مَرٍ يجي شهدٍ ومرات علقم
إلى لمحتي دم جوفي افخليه
على الورق.. لاصار روحك تألم
(بدر بن عبدالمحسن)

استعرض

منَّول و اليوم غالي

انه منوَّل و أمس و اليوم غالي
واتلى زمانه بالغلا مثل مبداه
لا ابطيت ماشفته وهو ما عنالي
عفت المكان اللي يغيظه ويجفاه
شوفه دواي و قِل شوفه زوالي
حكيم طب جامعٍ داه و دواه
(سليمان بن شريم)

استعرض

شرهة عيال الحمايل

يانوف جيتك من ورا نازح البيد
بالراس مايحتاج رد الرسايل
وأن كان ماضمّدتي الجرح تضّميد
تحمّلي شرهة عيال الحمايل !
أنا دخيل الصدر والثغر والجيد
أرخي علي شلال شقر الجدايل !
هذي تكفيني من العيد للعيد
وأنا علي يانوف رد الجمايل
أحظنك بأشواقي من الإيد للإيد
وشعرك على هاك المبيسم تمايل
حبّي وحبّك حب (عليا وأبو زيد)
والا مثل حب ( الطنايا لحايل) !
(سلطان الهاجري)

استعرض

آخر زياره

وين الكلام..
وين الحراره في السلام
كبير الفرق مابين اول لقا
واخر زياره.. مدري شقول
يا حب خانتني العباره ..
مدري شقول
والحر تكفيه الاشاره
(فائق عبدالجليل)

استعرض

بيت مختار

هذا انت ما شالله تمّمت عمْرتك
اللّي تأجّلها بعد عام عامين
إلى أذّن المذّن وخلّصت تمْرتك
بلاش تطلب لك مع الشاي راسين
رح للحرم وافرش وأنا اخوك سفْرتك
وإزهم على الهندي وبعض المساكين
كفّر عن اللي صار بأحداث سهْرتك
وكفّر ذنوب مكدّسه بالموازين
قبل المنايا لا تباغت بسكْرتك
وتفارق أفواجٍ على القاع ماشين
(محمد الدبيسي)

عبدالمجيد

المزيد