أبيات القصيد | مشاركات بواسطة: محمد المغضي

مشاركات بواسطة محمد المغضي

عتمه

ماعاد باقي للسهر غير عتمه
ماعاد باقي لليالي قناديل
مريت طيفك والتناهيد نجمه
طاحت وانا واقف وعكازي الليل
أتنفسك ويضيق صدري بكلمه
لوقلتها خايف تفوق المناديل
(محمد المغضي)

استعرض

صوتك مسافه

صوتك زرعني في السحاب وحصدني
هتان عشق ودندنات وأغاني
صوتك نسج قلبي حرير ونسجني
أغصان تتورق هديل واماني
علمني كيف انسى الجراح وأغني
وارحل مع ريح الوله عن مكاني
(محمد المغضي)

استعرض

بيت مختار

ياليتني نامس واقرصك لانمت
وامص دمك يالغضي مص سن توب
أقرصّك نايم وبا انحاش لاقمت
وليا رجعت اتنام ماعنك مجنوب
صاحي معك وان نمت فيّه تحلمت
ارعبك في نومك وانا منك مرعوب
ازن فإذنك زن ما حاصل ٍ صمت
واجر موالي على كل مسحوب
لو جبت لي بف باف وبالجو سممت
اغيب ساعة عنك والوقت محسوب
واليا صفا لك جوكم جيت سلمت
اعطي تحية حب بأداب واسلوب
واردك لحزنك بعد ماتبسمت
واساوي القرصات في كل عرقوب
واكرر القرصات مهما تألمت
واجب عليك الصبر والصبر مطلوب
(زاهي العتيبي)

خالد

المزيد