القلب يا ليتك تشوفه
ياللي عن الدمع تسألني
ما يرحم الوقت وصدوفه
إسكت ليا صرت تجهلني
كنّ المخاليق ملهوفه
بعض الإجابات تقتلني
اللي يبي طيب معروفه
لا عاد لا ضقت يسألني
(محمد الدبيسي)
وش خطاي إلا المحبه وش رجاي إلا وصاله
وش يبي غير الموده والغلا والمقدريه
دللوه اللي ربوه صغير واسرف بي دلاله
ليت لي قلب يطيق الصبر وعيون خليه
والغضي لو لاعه التحنان وبقلبه عداله
ماغذت من دونه القيعان جردٍ جرهديه
(نايف صقر)
