يا الغلا في ذمتي محتاجك
انت تدري بحالتي واحوالي
فلها يالعنبوه احجاجك
ابتسم احلى لك و أحلى لي
ياحلو البسمه على منهاجك
ترقص الدنيا على موّالي
(أحمد العبيد)
يامبادلني النظر وانت النظر
لاتخاف البعد ياكل الشعور
دام حبك في حناياي استقر
لاتظن انه يجي مني قصور
من بنى لي في وسط قلبه قصر
عاهده قلبي يشيد له قصور
(أحمد العبيد)
لاهمتني الدنيا ولاهمتني الناس
ياناشد عن حالي الحال وشفيه !
لا حلالي نوم ولاحلالي نعاس
ولارفيق من خيرة القوم أشكيه
الصدر ضايق وفي البال عوماس
ماغير أتوجد لخالق الكون ادعيه
(مشاري بن محمد)
