يا الغلا في ذمتي محتاجك
انت تدري بحالتي واحوالي
فلها يالعنبوه احجاجك
ابتسم احلى لك و أحلى لي
ياحلو البسمه على منهاجك
ترقص الدنيا على موّالي
(أحمد العبيد)
يامبادلني النظر وانت النظر
لاتخاف البعد ياكل الشعور
دام حبك في حناياي استقر
لاتظن انه يجي مني قصور
من بنى لي في وسط قلبه قصر
عاهده قلبي يشيد له قصور
(أحمد العبيد)
يسألوني وينها بسمة شفاتي
قلت ماتت ما بقى غير الشفاه
دمعتين ٍ فوق خدي من شقاتي
دربها محفور بطعون ٍ حفاه
صوتي المخنوق في آخر لهاتي
ضامي ٍ ريقه يعذبني ضماه
ياعرب وان كان تسترني عباتي
من لقى للجرح في صدري عباه
(حنان آل فاضل)
