الله من واحد ياسعود لعبو به
خلوه عقب الشرف يمشي وهو حافي
ياسعود سود الظماير يالله التوبه
اخطر من الحية اللي سمها صافي
وان كان ماجيت في شفه ومطلوبه
ذاك الغلا راح سفساف مع السافي
(ابراهيم بن مزيد)
ياللي تقول .. انس الذي راح ترتاح
تراك كنك بالمقابر تنادي
ماكل جرح فيه حيله لجراح
وما بات وسط النار يصبح رمادي
يامن على حزني عزف لحن الافراح
وغرّه سراب لاح .. واخلف ودادي
لا والذي كوّن بالاجسام الارواح
ما أرضي عيون ما بكت في بعادي
(الحميدي الحربي)
