فيك شي
مليت أنا
من كل شي
حتى من نفسي
ماعاد تسوى شي
عمري وصل ثلاثين
اوباقي شوي
انتظر نصفٍ الثاني
ويقول بالك علي شوي
شوي
وقبلها كنت شي
شي شي
واللحين شوي
شوي شوي
حرف الشين
ذابحني أكيد فيه ؟؟ او؟؟؟
خلني ارجع لك هالمره
ماني قايل هالكلميتين
أبيك تنساهن بالمرَه
رحلتي فالحياة مُره
ماهي مِره
مرَه مرَ مرَ
(نواف الفهد)
مشغول بال,, وطاري الحزن رايق
يجي على سبه,, ومن دون سبه!
مغنيه صدري عن صدور الخلايق
مأألوم شعري لا وفاء وأنكتب به
حتى أنا من كثر مانيب ضايق
حاولت اعافه وأثرني صرت أحبه!
(محمد الحويماني)
الوقت ضايع والبطاله فعلها فينا مقيم
اكبر مشاغلنا مسج ونرشح السوبر ستار
هذي حضاره ماتجملنا وذا واقع أليم
وين المبادي والقيم وين المعزه والوقار
في هالزمن ما عاد تعرف من كريم ومن لئيم!
في هالزمن كل شي توجه باتجاه الانحدار
الله يثبتنا على نهج الصراط المستقيم
والله يحسن خاتمتنا في زمن صاير دمار
(فيصل اليامي)
