وشلون أبنسى والعمر ما بعد فات
وشلون أبحيا دامني فيك ميت
لا يآخذك ظنك على ظلم وإبهات
أبغاك لكن المقادير عيت
رح خلها وبكيف ما جاتنا جات
و اعزف على لحن المفارق و نيّت
وماهمني لو باقي العمر صدمات
ماتوجع الضربة محاديب ميت
(مشاري البواريد)
تراك مازلت تتبعنا على الجِرّه
من عاد حنّا على ظهور البعاريني
قومٍ يدينا تحوش المال وتثرّه
على بيوت الارامل والمساكيني
لو نملك الكون من بحره ليا برّه
ما نمتلك به عمارات ودكاكيني
وان كان نفسك من المليون منغرّه
يكفيك .. وأنا بياض الوجه يكفيني
(سلطان الهاجري)
