وشلون اقول بكره "احبك" لغيرك
لاصرت انا وغيرك تحت سقف بيت
وشلون ابعطيه مثل ماعطيتك
وانا معه حيه مع احساس ميت
يارب في رجواك ربي نخيتك
وماخاب من ينخاك يومي تنخيت
عسى نصيبي معه يومي رجيتك
وباقي العمر وياه اقضيه ياليت
(هواجيس الصمت)
هذا غيابك مرني الليلة ويقريني السلام
وانا غيابي حاضر الليلة في زهو الأسئله
غبتي غيابٍ ماترك لي غير حزنٍ مستهام
في وحدتي يبني على عرش إنكساري منزله
من علمك تبنين بغيابك معاويل الهدام
في ذاكرة صوت نما بسمك وفي الذات اشعله
انتي بداية كل ما لاينتهي عطر الكلام
انتي نهاية كل ما لا يبتدي شوق ووله
(ردة السفياني)
