إلى منه جفاك اللي تودّه
ولا تدري وش الّلي عنك صدّه
تجرّع مالح العبرات واصبر
ترى كثر الشكاوى ما تردّه
وإلى من الّليالي عوّدت به
تغانم كل فايت واستردّه
حذار تنشغل بعتاب خلّك
ترى كثر العتب يمحي المودّه
(خالد الفيصل)
خلاص ناوي تبتعد
يا حيلة الله وش بيديني
خلاص وش باقي بعد
يا كـود لو ترحم حنيني
احتاجك الليلة معـاي
عطني يدك ثبت خطاي
لملمني و اوصفلي دواي
و من بعدها ابدا الرحيل
(تركي بن عبدالرحمن)
ياللي عيوني مرايتك
وفي كتاب دمعي حكايتك
مااظن تنساني انا
وجهي تركته فساعتك
تذكرني في ليل وفسهر وفحلم
تذكرني في بيت من شعر أو اسم
علمتني ان الحبيب دايم حبيب
مهما هجر
(بدر بن عبدالمحسن)
لا جاك من ابن عمك أوّل زله
فاحذر من الزلات واحذر تجهلي
ولا جاك من ابن عمك ثاني زله
عرضه على العقّال كانه يعقلي
ولا جاك من ابن عمك ثالث زله
اِبعد ظعونك عن ضعونه وارحلي
ولا جاك من ابن عمك رابع زله
فعرضه حد الحديد المصقلي
الحوض لامنه كشف عن غطاته
كلن على جال القليب بيدهلي
(حمد الغيهبان)
