الصفحة الرئيسية > أجمل أبيات الشعر العامي > اسوي كذا
اسوي كذا
تدري وش اسوي ليا اضناني الشوق
اسوي بعيوني كذا واتخيلك
واقربك واتوق واتوق واتوق
واكثرك واحلف ماعاد اقللك
واصورك في الموق وتكبر على الموق
وتطيح مع دمعي على ايدي واقبلك
هذا غلاي اللي مع الدم مدقوق
ولا عاد تسأل عن شعوري وازعلك
(سعد علوش)
4byt.com
توديع الاحباب مثل الموت له سكرة
ادمى جروحي وشق الصدر منيّا
والقلب طيرٍ.. ضلوع الادمي وكره
لا شاقه الطَلع لا سَلَّم ولا حيَّا ..
مصير الأحزان تنساني وتفتكره
ما كل الأيام بيض وسمحة محيَّا ..
قل غيرها ما أنت لا مجبر ولا مكره
لا صار ما هي (غلا) ما أبي لك (حميَّا) ..
لو في يدي شي ما قلت الوعد بكره
حزمت حدب الضلوع وقلت لك هيَّا ..
لو كل غالي يجي دايم على ذكره
ما صرت أشوفك (هناك) وحبك (هنيا) !
مادامك معيف رح.. لكن على فكره
ما قلتلى ليه دمعك سال منيّا؟
(متعب التركي)
التعليقات