مشاركات بواسطة نور الدنيا

قالوا تحبه

قالوا يحبك ؟ قلت هذا هو الويل
ماودي انشد ثم رفضه يجيني
واهدم رجاي بدبرتي مثل ما قيل
والافضل احيا با الامل لو لحيني
ياحبكم يا ناس للقال والقيل
والامر لو هو سهل يصبح مهيني
خلوني احيا في الوهم يا عواذيل
وش دخلكم والامر بينه وبيني؟
(سعود بن بندر)

فراق و فراق

ماكنت افكر في فراقك دقيقه
لولا ان عقلي من سبات الهوى فاق
وشفت ان جمع الشمل ماله طريقه
ولاصار لي قدره على قهر الاشواق
ونور الامل في الوصل يفقد بريقه
ودايم وحنا باالاسم بس عشاق
اظهر لي الواقع ومر الحقيقه
كلش يقول افراق وافراق وافراق
(سعود بن بندر)

ان زرتني مشتاق

ان زرتني مشتاق لي ياهلا فيك
وان غبت مرخص شوفتي بالسلامه
مادمت تحمل لي الموده ف انا اغليك
ويعطيك قلبي كل صادق غرامه
وان صد قلبك واصبح البعد طاريك
قل لي ولا يلحقك مني ملامه
لاطالبك ترجع ,, ولاقايل ابيك
على المقفي كيف احس بندامه؟
(سعود بن بندر)