الصفحة الرئيسية > أجمل أبيات الشعر العامي > لاح برق
لاح برق
يا كريم..يا كريم
نوض برق .. وريح ديم
وفي الحشا.. رمل قديم؟
لاح برق في الظلام.. شقق الظلما سناه
يا هلا بغيث الغمام..وياهلا بعشب الحياة
لاح برق في العتيم
سدرة الوادي العتيق..وسط صدري اغصونها
عندها وعد وطريق..وحالف ماخونها
لاح برق في العتيم
لاح برق في الدجا..نقض جروح التراب
نزرع الأرض برجا..جود خلاق السحاب
لاح برق في العتيم..
(بدر بن عبدالمحسن)
يقول طاوعني ولاتجيب سيره
ابنصحك ياعل في الامر خيره
طوف علشان اتعدل امورك
وجامل خصوصا فالامور الكبيره
ونافق..شفيها ياخي لما تنافق؟
لا اول اذنوبك ولاهي الاخيره
واكذب ياعمي اصلا الكذب متعه
يكفيك من شره ويعطيك خيره
واذا بلاك الله بقول الصراحه
قول الصراحه فالامور الصغيره
وخلص كلامه صاحبي وانا ساكت
ومن عقب ذاك اليوم صاحبت غيره
(عبدالله بن علوش)
التعليقات