الصفحة الرئيسية > أجمل أبيات الشعر العامي > أنا افدا ظلها
أنا افدا ظلها
تجي مثل الفجر لو الفجر ماهوب دوم أعياد
أنا افدا ظلها.. لا والله افدا ظل مندوبه
تسولف للندى يسهر على النرجس يبي يزداد
تغني للمطر .. لليل .. تصيب الكون غيبوبه
وأبد ماكنت أحس بلسعة الكرباج والجلاد
إلين البارحه دمي .. عواذيلي تقهووابه
وأنا وش جابني للحب مادام اللي مضى مافاد
أنا وش لي ووش للموت لجل عيون رعبوبه
حبيبي لا تعلمني أبد كيف أرضي الحساد
حبيبي لا تعلم جسمي إن الروح منهوبه
(عبدالمحسن بن سعيد)
4byt.com
لو انك بشر حسيت في لوعة الموجوع
جريح شكا حبك على الله سبحانه
غريب تعلق في حبال الرجاء المقطوع
له سنين يشكي من بلاويه واحزانه
لو ان الأمل ضم التواصل بحب الكوع
قطعت الذراع وبست كوعي على شانه
(غير معروف)
التعليقات