الصفحة الرئيسية > أجمل أبيات الشعر العامي > كلها بوستين
كلها بوستين
الزين في الناس قاع وزينك أنتي غما
وحتى على النور لك ولظل ظلك جميل
ولو مامسحتي جبين الشمس أبد ماحما
والورد إلى شم عطرك قام عوده يميل
والخلق من طين ونور ونار وأنتي بـ ما
والا الهوى به خلق لي هالخفوق العليل
شفتي الى من كبر شوق الحبيب ونما
تلقين لمعه لدمعه في عيونه تخيل
حبيبتي كان قلبي بالضلوع احتما
لك رمش من حربته مايسلم الا قتيل
والعشب وجنة ثرى والغيم شفة سما
هي كلها بوستين وكل حبٍ يسيل
(عبدالمحسن بن سعيد)
4byt.com
ماكان عندي شي أغلى من الروح
ولا كنت أحب أحدً كثر حب روحي!
كنت أحسب إن الروح مابعدها روح
ولافيه روحن حبها مثل روحي!
وعرفت إن الروح ترخص لأجل روح
روحً غلاها زاد عن حب روحي!
(غير معروف)
التعليقات