مشاركات بواسطة فيصل

الجمال الساطي

يا أم الجمال الساطي اللي يستحل
لاقفال عشرات القلوب بثانية!
الوجه هذا صدق والا مُنتَحَل
والواسعة ذي عين ولا آنية ؟
الواضح ان الحور فالجنة تحِل
وشلون جيتي فالحياة الفانية؟
يدور حولك نحل قولي للنحل:
ماني رحيق ولا قطوفٍ دانية
ويدور حولك كوكب.. الظاهر زحل
قولي له ان الشمس وحدة ثانية !
(جمال بندر العتيبي)

سلاحٍ مزهّب

لعل مابيني وبينه مواصيل
‏اللي ورا طرد العلوم يتلهّب
‏واليا عزمته وأنت عندك رياجيل
‏كنك تحاضي لك سلاحٍ مزهّب
(عبدالكريم البدراني)

صدك ..

صدك عن اللي ملتفت لك ردى حظ
وركضك ورا اللي مهو يمك مذله
واللي يشظ النفس عن شفها شظ
يقضي كريم الذِكر عافي مزله
واذا بلاك الله في صاحب ٍ فض
شرس ٍ غليظ القلب كبده مغله
عليك في جمرٍ يلظ الدما لظ
ما يترك من النابض الا محله
مِلّه بـ له حمرا عسى العِرق ينفّض
من نارها عن حاجة ٍ ما تحِلّه
لو كانت النيه تورّد على الحظ
ما يضمي الطيّب ودمعه يزلّه
(ريمية)

باطراف بيته

باطراف بيته للمواجيب شِنكار
معلاق كبشٍ عند راعيه غالي
(بندر بن سرور)

هذا ماهو فم

اذا تبسّم فمك.. هذا ماهو فم
هذا من الحان السماء الكريمة
لمّة خدودك مثل جَمعَة بَني عَم
تجمعو من شان رد الظليمة
(رضا حليس الرويلي)

خله يعيش الدور

ماني بالأول صار عندي رحابه
‏بطّلت أصيّع بالمشاره سنيني
‏فالحالتين القلب مفتوح بابه
‏للّي يبي فرقاي واللي يبيني
‏ومن شافت عيونه بوضعي غرابه
‏انا على كبره ما اشوفه بعيني
‏واللي مسوّي ذيب في وسط غابة
‏خلّه يعيش الدور وينه وويني
(نواف التركي)

اخاف اقول انك وحشتيني

اخاف اقول انك وحشتيني
وانا اللي اوحشوني كلهم راحوا
ياجوريٍ تمايل به بساتيني
أعيديني تعبت لناسٍ ارتاحوا
حياتي وحدة وهالموت موتيني
اليا غزّوا نصايب قبري وشاحوا
وليا مني فقدت ولا فقدتيني
ولا صحتي ليا من العرب صاحوا
انا وليدك لو انك ما ولدتيني
ياكثر الواقفين بوقفتي طاحوا
(رضا حليس الرويلي)

كذبة ونصها صدق

مايذبح الا كذبةٍ ونصها صِدق
ولا خير من حكي القِدا كود قول اص
(رضا حليس الرويلي)

يا ما ترضيتك

ياما ترضيتك ..كم قلت لك إرض
مع أنك أنت اللي تِسَبّب بهوّه
لا والذي وطّن تحت رجلنا الأرض
مالك سما واجمل علومك مشَوَه
فقري اعرفه..قرض واسده بقرض
والا المروّة مرتوي بالمروّة
(رضا حليس الرويلي)

واصحاب الأمس

واصحاب الامس اللي نسونا.. الغايبين الحاضرين
علمهم اني ما التفت لغصنها واوراقها
علم وقل للحاضرين يعلمون الغايبين
ان الأمم اخلاق تبقى ما بقت اخلاقها
وقل للوسيم المترف اللي كان مين وصار مين
اللي بدا يعرف بعيرتها ويعرف ناقها
لو يجتمع شعر الفرزدق مع أدب طه حسين
ما ترتفع روسٍ تلفِّتها سبب دِنّاقها
(ضيدان بن قضعان)